Sahihu i Buhariut — Hadithi 1838
13. Nënkapitulli: Parfumet që ndalohen për muhrimin dhe muhrimen
Aishja ka thënë: "Ajo që është në ihram, nuk vesh rroba të parfumosura."
1838. Nga: Abdullah ibn Omeri
Abdullah ibn Jezidi na ka thënë: Na ka treguar Lejthiu, e këtij i ka treguar Nafiu se Abdullah ibn Omeri (Allahu qoftë i kënaqur me ta!) ka thënë: “Një njeri u ngrit dhe tha: “O i Dërguari i Allahut, çfarë rrobash na urdhëron të veshim në ihram?”
Pejgamberi ﷺ i tha: “Mos vishni këmishë, as shallvare, as çallmë, as pardesy, e, nëse ndokush nuk ka sandale, atëherë le të mbathë meste, por le t'i shkurtojë nën nyja. Mos vishni rrobë të parfumuar. Gruaja që është në ihram, të mos veshë perçe e as dorëza.”
Këtë transmetim e fuqizojnë Musa ibn Ukbe, Ismail ibn Ibrahim ibn Ukbe, Xhuvejriu dhe Ibn Is'haku, në lidhje me perçen dhe dorezat. Ndërkaq, Ubejdullahu thotë: “As rroba të parfumuara"; po ashtu thoshte: “Gruaja që është në ihram të mos veshë perçe, e të mos veshë dorëza.” Maliku transmeton nga Nafiu, e ky nga Ibn Omeri: “Gruaja që është në ihram të mos veshë perçe.” Transmetimin e Malikut e fuqizon Lejth ibn Ebu Sulejmi.