Sahihu i Buhariut — Hadithi 1845
18. Nënkapitulli: Hyrja në harem dhe Mekë pa ihram
Ibn Omeri ka hyrë (në Mekë pa ihram), ndërsa Pejgamberi ﷺ e ka obliguar ihramin për atë që dëshiron të kryejë haxhin dhe umrën. Ndërkaq, furnizuesit e druve dhe të tjerët nuk i ka përmendur.
1845. Nga: Abdullah ibn Abasi
Muslimi na ka thënë: Na ka treguar Vuhejbi, e këtij i ka treguar Ibn Tavusi, e ky nga babai i tij se Ibn Abasi (Allahu qoftë i kënaqur me të!) ka thënë: “Pejgamberi ﷺ ua ka caktuar banorëve të Medinës Dhul Hulejfën për mikat, banorëve të Nexhdit Karnul Menazilin dhe banorëve të Jemenit Jelemlemin. Këto pikënisje janë si për banorët e këtyre krahinave (të përmendura), si për të tjerët që nuk janë banorë, por që kalojnë nëpër to kur venë në haxh dhe umre. Ndërkaq, banorët e vendbanimeve që ndodhen mes këtyre (pikënisjeve dhe Mekës), mikat e kanë vendndodhjen e vet. Madje, edhe banorët e Mekës nisen prej Mekës.”