Sahihu i Buhariut — Hadithi 1854
23. Nënkapitulli: Haxhi për atë që nuk mund të qëndrojë në kafshë
1854. Nga: Abdullah ibn Abasi
Musa ibn Ismaili na ka thënë: Na ka treguar Abdulaziz ibn Ebu Seleme, e këtij i ka treguar Ibn Shihabi, e ky nga Sulejman ibn Jesari se Ibn Abasi (Allahu qoftë i kënaqur me të!) ka thënë: “Në vitin e haxhit lamtumirës erdhi një grua e fisit hatham dhe pyeti:
- O i Dërguari i Allahut! Haxhi të cilin Allahu ua ka bërë obligim robërve të Tij babanë tim e ka gjetur të thyer në moshë, saqë nuk mund të qëndrojë as mbi shalë. A i llogaritet atij nëse unë e bëj haxhin për të?
- “Po”, - i tha (Pejgamberi ﷺ).