Sahihu i Buhariut — Hadithi 1905
10. Nënkapitulli: Agjërimi i atij që frikësohet për veten nga rreziqet e beqarisë
1905. Nga: Abdullah ibn Mesudi
Abdani na ka thënë: Na ka treguar Ebu Hamzai, e ky nga Ameshi, e ky nga Ibrahimi se Alkame tregon: “Ndërsa ecja me Abdullahun (Allahu qoftë i kënaqur me të!), më tha: “Teksa rrinim me Pejgamberin ﷺ, na tha: “Ai që i ka mundësitë, le të martohet, sepse e ka më të lehtë uljen e shikimit dhe ruajtjen e nderit. Ndërkaq, ai që nuk i ka mundësitë, le të agjërojë, sepse ai ia shuan epshin.”