Sahihu i Buhariut — Hadithi 1907
11. Nënkapitulli: Hadithi i Pejgamberit ﷺ: “Kur ta shihni hënën e Ramazanit, agjëroni, e, kur ta shihni hënën e shevalit, hani.”
Sile transmeton nga Amari se ka thënë: "Ai që e agjëron ditën e dyshimtë, vetëm se e ka kundërshtuar Ebu Kasimin ﷺ."
1907. Nga: Abdullah ibn Omeri
Abdullah ibn Mesleme na ka thënë: Na ka treguar Maliku, e ky nga Abdullah ibn Dinari se Abdullah ibn Omeri (Allahu qoftë i kënaqur me ta!) transmeton se i Dërguari i Allahut ﷺ ka thënë: “Muaji është njëzet e nëntë net. Mos agjëroni, derisa ta shihni hënën e Ramazanit, e, nëse është vranët, plotësojeni muajin me tridhjetë (ditë).”