Sahihu i Buhariut — Hadithi 1916
16. Nënkapitulli: Ajeti kuranor: “… dhe hani e pini derisa të dallohet peri i bardhë nga peri i zi në agim, e pastaj agjërimin plotësojeni deri në mbrëmje…”
Këtë e transmeton Berai nga Pejgamberi ﷺ.
1916. Nga: Adij ibn Hatimi
Haxhaxh ibn Minhali na ka thënë: Na ka treguar Hushejmi, e këtij i ka rrëfyer Husajn ibn Abdurrahmani, e ky nga Shabiu se Adij ibn Hatimi (Allahu qoftë i kënaqur me të!) tregon: “Kur zbriti ajeti: “... derisa të dallohet peri i bardhë nga peri i zi...”, mora një litar të zi e një të bardhë dhe i lashë nën jastëkun tim. Gjatë natës i shikoja, por nuk i dalloja. Në mëngjes shkova tek i Dërguari i Allahut ﷺ dhe i tregova, e në atë rast më tha: “Fjala është për errësirën e natës dhe dritën e ditës.”