Sahihu i Buhariut — Hadithi 1950
40. Nënkapitulli: Kur bëhet kompensimi i Ramazanit?
Ibn Abasi ka thënë: "Lejohet kompensimi në ditë të ndara, bazuar në ajetin: “... le të agjërojë aq ditë nga ditët e mëvonshme...” (Bekare, 185) Seid ibn Musejebi, për agjërimin e dhjetëshit (të muajit dhul hixhe), ka thënë: "Nuk është në rregull pa filluar kompensimin e Ramazanit." Ibrahimi ka thënë: "Nëse e neglizhon kompensimin derisa të vijë Ramazani tjetër, atëherë i agjëron të dy (ramazanët). Po ashtu, ai nuk ka paraparë që të jepet ushqim për të varfrit." Prej Ebu Hurejrës, me zinxhir të shkëputur, dhe prej Ibn Abasit tregohet: "Ai (neglizhuesi) duhet të japë edhe ushqim. Allahu nuk e ka përmendur ushqimin, por ka thënë: “... le të agjërojë aq ditë nga ditët e mëvonshme...” (Bekare, 185)
1950. Nga: Aishe bint Ebu Bekri
Ahmed ibn Junusi na ka thënë: Na ka treguar Zuhejri, e këtij i ka treguar Jahjai, e ky nga Ebu Seleme se Aishja (Allahu qoftë i kënaqur me të!) ka thënë: “Më mbeteshin ditë Ramazani për t'i kompensuar, të cilat nuk mund t'i kompensoja vetëm se në shaban.”
Jahjai shton: “(Për shkak të) angazhimit prej Pejgamberit ﷺ, - ose ka thënë: me Pejgamberin ﷺ.”
Referenca: Sahihu i Buhariut 1950
Fjalë të panjohura?