Sahihu i Buhariut — Hadithi 2002

Abdullah ibn Mesleme na ka treguar nga Maliku, e ky nga Hisham ibn Urve, e ky nga babai i tij se Aishja (Allahu qoftë i kënaqur me të!) ka thënë: “Në periudhën paraislame kurejshët e agjëronin ditën e Ashures, andaj edhe i Dërguari i Allahut ﷺ e agjëronte. Kështu, kur erdhi në Medinë, e agjëroi atë dhe urdhëroi që të agjërohej. Por, kur u obligua Ramazani, e la ditën e Ashures. Rrjedhimisht, kush ka dashur, e ka agjëruar, e, kush ka dashur, e ka lënë.”