Sahihu i Buhariut — Hadithi 2034

Abdullah ibn Jusufi na ka thënë: Na ka rrëfyer Maliku, e ky nga Jahja ibn Seidi, e ky nga Amra bint Abdurrahmani se Aishja (Allahu qoftë i kënaqur me të!) tregon: “Pejgamberi ﷺ dëshironte të hynte në itikaf. Kështu, kur shkoi te tenda ku qëndronte, pa disa tenda të tjera: tendën e Aishes, Hafsës dhe Zejnebes, e në atë rast tha: “A mendoni se me to po kryeni vepër të mirë?!” Pastaj u largua dhe nuk bëri itikaf, për ta bërë kështu në dhjetëditëshin e shevalit.