Sahihu i Buhariut — Hadithi 22
15. Nënkapitulli: Besimtarët kanë diferencë mes njëri-tjetrit në vepra.
22. Nga: Ebu Seid Hudriu
Ismaili na ka thënë: Më ka treguar Maliku nga Amër ibn Jahja Maziniu, e ky nga babai i tij se Ebu Seid Hudriu (Allahu qoftë i kënaqur me të!) transmeton se Pejgamberi ﷺ ka thënë: “Kur banorët e Xhenetit të futen në Xhenet dhe banorët e Zjarrit në Zjarr, Allahu i Madhërishëm thërret: “Nxirrni nga Zjarri të gjithë ata që në zemra kanë iman qoftë dhe sa fara e sinapit!” Kështu, nxirren nga Zjarri, pasi që ishin bërë shkrumb. Pastaj, hidhen në lumin Haja, - ose ka thënë: Hajat, Maliku ishte në mëdyshje, - për t'u përtërirë ashtu siç mbin fara pranë lumit. A nuk e ke parë si del e verdhë dhe e përdredhur?”
Vuhejbi thotë: “Amri na ka treguar: “... Hajat...”, si dhe: “... kanë mirësi qoftë dhe sa fara e sinapit...”