Sahihu i Buhariut — Hadithi 2538

Ubejd ibn Ismaili na ka thënë: Na ka treguar Ebu Usame, e ky nga Hishami, e këtij i ka rrëfyer babai i tij se Hakim ibn Hizami (Allahu qoftë i kënaqur me të!) tregon se në periudhën paraislame kishte liruar njëqind robër dhe, me shpenzimet e tij, i kishte dërguar në haxh njëqind persona. Kur e pranoi Islamin, sërish i dërgoi njëqind persona në haxh dhe i liroi njëqind robër. Pastaj e pyeti të Dërguarin e Allahut ﷺ:
- O i Dërguari i Allahut, si është puna e veprave të mira që i punoja në periudhën e injorancës (paraislame)?
- “Në Islam ke hyrë bashkë me veprat e mira të së kaluarës”, - i tha i Dërguari i Allahut ﷺ.