Sahihu i Buhariut — Hadithi 2541
13. Nënkapitulli: Posedimi i robërve arabë dhe dhurimi, shitja e marrëdhëniet intime me robëreshat, si dhe shpagimi e zënia robër lufte e pasardhësve të tyre
Allahu i Madhërishëm ka thënë: “Allahu sjell shembullin e robit, që s’ka mundësi për asgjë dhe që është pronë e të zotit me atë që Ne i kemi dhënë plot begati, prej të cilave jep fshehtazi dhe haptazi. A janë njëlloj? Lavdi i qoftë Allahut! Shumica e tyre nuk dinë.” (Nahl, 75)
2541. Nga: Abdullah ibn Omeri
Ali ibn Haseni na ka thënë: Na ka rrëfyer Abdullahu se Ibn Avniu tregon se i kishte shkruar Nafiut, i cili po ashtu me shkrim ia ktheu: “Pejgamberi ﷺ sulmoi papritmas fisin benu mustalik, ndërkohë ata ishin të hutuar dhe bagëtitë e tyre po pinin ujë. Ai, i vrau luftëtarët dhe i robëroi gratë e fëmijët. Atë ditë e mori edhe Xhuvejrijën. Këtë ma ka treguar Abdullah ibn Omeri (Allahu qoftë i kënaqur me të!), i cili personalisht ka marrë pjesë në atë ushtri.”
Referenca: Sahihu i Buhariut 2541
Fjalë të panjohura?