Sahihu i Buhariut — Hadithi 263
9. Nënkapitulli: A i lejohet personit xhunub të fusë dorën në enë para se ta pastrojë atë, nëse nuk ka ndonjë ndyrësirë tjetër përpos xhunubllëkut?
Ibn Omeri dhe Bera ibn Azibi kanë futur dorën në ujin e abdesit pa e larë atë, pastaj kanë marrë abdes. Ibn Omeri dhe Ibn Abasi nuk i konsideronin problematike stërpikat e ujit gjatë larjes nga xhunubllëku (nëse ato bien nga trupi në enën që përmban ujë të pastër).
263. Nga: Aishe bint Ebu Bekri
Ebu Velidi na ka thënë: Na ka treguar Shuëbe, e ky nga Ebu Bekër ibn Hafsi, e ky nga Urve se Aishja (Allahu qoftë i kënaqur me të!) ka thënë: “Unë dhe Pejgamberi ﷺ pastroheshim nga xhunubllëku nga një enë e përbashkët.”
Transmetohet e njëjta gjë nga Abdurrahman ibn Kasimi e ky nga babai i tij, e ky nga Aishja.