Sahihu i Buhariut — Hadithi 274
16. Nënkapitulli: Abdesi gjatë guslit dhe larja e tërë trupit, pa i larë sërish gjymtyrët e abdesit pas përfundimit të guslit (pas përfundimit të guslit)
274. Nga: Mejmune bint Harithi
Jusuf ibn Isai na ka thënë: Na ka rrëfyer Fadël ibn Musai, e këtij i ka rrëfyer Ameshi, e ky nga Salimi, e ky nga Kurejbi, i çrobëruari i Ibn Abasit, e ky nga Ibn Abasi se Mejmunia (Allahu qoftë i kënaqur me të!) tregon: “I Dërguari i Allahut ﷺ e vuri ujin për t'u larë nga xhunubllëku, e në atë rast me dorën e djathtë i qiti ujë së majtës dy-tri herë dhe lau organin gjenital, pastaj e përshkoi dorën e majtë për dheu, - ose ka thënë: për muri, - dy-tri herë. Pastaj vazhdoi me shpëlarjen e gojës dhe hundës, lau fytyrën dhe duart deri te bërrylat, derdhi ujë në kokën e tij pastaj e lau tërë trupin. E, në fund, u zhvendos nga vendi ku ndodhej dhe i lau këmbët. (Pasi e përfundoi), i ofrova një arnë (si peshqir), por nuk e deshi dhe me dorë filloi ta shkundte ujin nga trupi.”