Sahihu i Buhariut — Hadithi 275
17. Nënkapitulli: Kur personit në xhami i kujtohet se është xhunub, del prej xhamisë ashtu si është, pa marrë tejemum
275. Nga: Ebu Hurejra
Abdullah ibn Muhamedi na ka thënë: Na ka treguar Othman ibn Omeri, e këtij i ka rrëfyer Junusi, e ky nga Zuhriu, e ky nga Ebu Seleme se Ebu Hurejra (Allahu qoftë i kënaqur me të!) tregon: “Një ditë u thirr ikameti për namaz, u drejtuan safat dhe i Dërguari i Allahut ﷺ erdhi për të na falur namazin. Kur u drejtua në vendfalje (për të na prirë në namaz), iu kujtua se është xhunub, ndaj na tha: “Qëndroni në vendet tuaja!” Shkoi dhe u pastrua. Kur u kthye, koka ende i pikonte ujë. Mori tekbirin fillestar dhe ne u falëm me të.”
Transmetimin e Othman ibn Omerit e forcon Abdulalai, e ky nga Mameri, e ky nga Zuhriu. Po ashtu Evzaiu e transmeton nga Zuhriu.