Sahihu i Buhariut — Hadithi 28
20. Nënkapitulli: Përhapja e selamit është prej Islamit
Amari ka thënë: "Imanin e ka plotësuar ai që në vetvete i ka bërë bashkë këto tri gjëra: drejtësinë prej vetes, përshëndetjen e të gjithë njerëzve me selam dhe dhënien aty ku ka nevojë, madje edhe nëse vetë është ngushtë."
28. Nga: Abdullah ibn Amër ibn Asi
Kutejbe na ka thënë: Na ka treguar Lejthiu nga Jezid ibn Ebu Habibi, e ky nga Ebu Hajri se Abdullah ibn Amri (Allahu qoftë i kënaqur me ta!) tregon: “Një burrë e pyeti të Dërguarin e Allahut ﷺ: “Cila është vepra më e mirë në Islam?” Ai iu përgjigj: “Të ushqesh të tjerët dhe të përshëndesësh me selam atë që e njeh dhe atë që nuk e njeh.”