Sahihu i Buhariut — Hadithi 285
24. Nënkapitulli: Personit xhunub i lejohet të dalë dhe të shëtisë nëpër treg ose gjetiu
Atai ka thënë: "Personi xhunub mund të bëjë hixhamen, t’i presë thonjtë, të rruajë kokën, edhe nëse nuk merr abdes."
285. Nga: Ebu Hurejra
Ajashi na ka thënë: Na ka treguar Abdulalai, e këtij i ka treguar Humejdi, e ky nga Bekri, e ky nga Ebu Rafiu se Ebu Hurejra (Allahu qoftë i kënaqur me të!) tregon: “I Dërguari i Allahut ﷺ më takoi teksa isha xhunub. Më kapi për dore dhe ecëm së bashku derisa u ul diku. Iu përvodha disi dhe shkova në shtëpi e u pastrova. Kur u ktheva, teksa po qëndronte ulur, më tha: “Ku ishe, o Ebu Hurejre?”
Ia tregova arsyen e largimit.
Ai më tha: “Subhanallah, o Ebu Hurejre! Besimtari nuk bëhet i ndytë.”