Sahihu i Buhariut — Hadithi 314
13. Nënkapitulli: Fërkimi i trupit kur femra pastrohet nga menstruacionet
Sqarimi i mënyrës së marrjes gusëll dhe se pastrimi (nga menstruacionet) bëhet duke i fshirë njollat e gjakut me një copë pëlhure të parfumuar.
314. Nga: Aishe bint Ebu Bekri
Jahjai na ka thënë: Na ka treguar Ibn Ujejne, e ky nga Mensur ibn Safija, e ky nga nëna e tij se Aishja (Allahu qoftë i kënaqur me të!) tregon se një grua e pyeti Pejgamberin ﷺ rreth pastrimit nga menstruacionet. Ai i tregoi si duhej pastruar, duke i thënë: “Merr një copë pëlhure të parfumuar dhe fshiju me të.”
Ajo i tha: “E si të pastrohem me të?”
Pejgamberi ﷺ tha: “Subhanallah! Pastrohesh me të.”
Unë e tërhoqa për krahu dhe i thashë: “I pastron njollat e gjakut me të.”