Sahihu i Buhariut — Hadithi 320
19. Nënkapitulli: Si dallohet paraqitja dhe kryerja e menstruacioneve?
Kishte gra të cilat Aishes i çonin copa pëlhure prej pambuku me shenja të lëngut të verdhë, andaj ajo u thoshte: "Mos u ngutni, derisa ta dalloni sekrecionin e bardhë." Kishte për qëllim pastrimin nga menstruacionet. Bijës së Zejd ibn Thabitit i treguan se disa gra ndeznin kandila në gjysmë të natës për të shikuar se a i janë ndërprerë menstruacionet. Ajo tha: Gratë e sahabëve nuk vepronin kësisoj, ndaj i qortoi.
320. Nga: Aishe bint Ebu Bekri
Abdullah ibn Muhamedi na ka thënë: Na ka treguar Sufjani, e ky nga Hishami, e ky nga babai i tij se Aishja (Allahu qoftë i kënaqur me të!) tregon se Fatime bint Ebu Hubejshi shpesh kishte gjakrrjedhje të çrregullt, andaj e pyeti Pejgamberin ﷺ, i cili në atë rast i tha: “Ajo që po të ndodh ty është gjakrrjedhje e çrregullt, e jo gjak menstrual. Andaj, kur të të vijë koha e menstruacioneve, lëre namazin. E, kur të kalojë ajo kohë, pastrohu dhe falu.”
Referenca: Sahihu i Buhariut 320
Fjalë të panjohura?