Sahihu i Buhariut — Hadithi 323
22. Nënkapitulli: Veshja e rrobave të menstruacioneve në vend të rrobave të përditshme
323. Nga: Umu Seleme
Muadh ibn Fedale na ka thënë: Na ka treguar Hishami, e ky nga Jahjai, e ky nga Ebu Seleme, e ky nga Zejnebe bint Ebu Seleme se Umu Seleme (Allahu qoftë i kënaqur me të!) tregon: “Teksa isha shtrirë me Pejgamberin ﷺ nën një mbulesë kadifeje, m'u paraqitën menstruacionet, andaj u largova fshehurazi dhe i vesha rrobat e menstruacioneve, ndërsa ai më tha:
- “T'u paraqitën menstruacionet?”
- Po, - i thashë.
Atëherë më ftoi dhe u shtriva me të nën atë mbulesë kadifeje.”