Sahihu i Buhariut — Hadithi 328
27. Nënkapitulli: Po nëse menstruacionet rrjedhin pas përfundimit të tavafit ifada?
328. Nga: Aishe bint Ebu Bekri
Abdullah ibn Jusufi na ka thënë: Na ka rrëfyer Maliku, e ky nga Abdullah ibn Ebu Bekër ibn Muhamed ibn Amër ibn Hazmi, e ky nga babai i tij, e ky nga Amra bint Abdurrahmani se Aishja (Allahu qoftë i kënaqur me të!), gruaja e Pejgamberit ﷺ, iu drejtua atij ﷺ:
- O i Dërguari i Allahut! Safije bint Hujejit i janë paraqitur menstruacionet.
- “Mund të na vonojë. A nuk e ka kryer tavafin (e haxhit) së bashku me ju?” - pyeti i Dërguari i Allahut ﷺ.
- Po, e ka kryer, - i thamë.
- “Atëherë nisuni (për Medinë)”, - tha Pejgamberi ﷺ.