Sahihu i Buhariut — Hadithi 3373
12. Nënkapitulli: Ajeti: “Trego në Libër për Ismailin! Vërtet, ai ishte i sinqertë në premtimet e veta.”
3373. Nga: Seleme ibn Ekvai
Kutejbe ibn Seidi na ka thënë: Na ka treguar Hatimi, e ky nga Jezid ibn Ebu Ubejdi se Seleme ibn Ekvai (Allahu qoftë i kënaqur me të!) tregon: “Teksa Pejgamberi ﷺ po kalonte pranë një grupi njerëzish të fisit eslem, të cilët po ushtronin shenjëtarinë, u tha: “Gjuani, o pasardhësit e Ismailit, sepse babai juaj ka qenë shenjëtar. Ndërkaq, unë po bashkohem me benu filanët.” Pala tjetër ndaluan së gjuajturi dhe thanë: “O i Dërguari i Allahut, e si të gjuajmë, përderisa ti je me ta?” Atëherë, i Dërguari i Allahut ﷺ u tha: “Gjuani, sepse unë jam me të gjithë ju.”