Sahihu i Buhariut — Hadithi 3376
16. Nënkapitulli: Ajetet: “Dhe, kur të dërguarit erdhën te Luti, ai tha: "Unë nuk ju njoh ju!”
Allahu i Lartësuar ka thënë: “Ai (Faraoni) u shmang (nga besimi), së bashku me komandantët e vet...” (Dharijat, 39) “Dhe mos anoni nga ata që bëjnë të këqija, përndryshe do t’ju përcëllojë Zjarri...” (Hud, 113) “Populli i tij, që më parë pat punuar vepra të këqija, u vërsul drejt atij...” (Hud, 78) “Dhe Ne ia shpallëm atij atë që do të ngjajë: që i gjithë populli i tij, deri në të fundit, do të zhdukej në agim.” (Hixhr, 66) “(Mjaftoi për t’i dënuar ata) vetëm një zë i tmerrshëm, pas të cilit u shuan përnjëherësh.” (Jasin, 29) “Këto janë njëmend shenja bindëse për ata, që i kuptojnë ato. Qyteti i rrënuar është në rrugë, ku gjendet edhe tani.” (Hixhr, 75-76)
3376. Nga: Muxhalid ibn Mesudi
Mahmudi na ka thënë: Na ka treguar Ebu Ahmedi, e këtij i ka treguar Sufjani, e ky nga Ebu Is'haku, e ky nga Esvedi se Abdullahu (Allahu qoftë i kënaqur me të!) tregon: “Pejgamberi ﷺ lexoi ajetin: “... prandaj, a ka ndonjë që të marrë mësim?” (Kamer, 15)