Sahihu i Buhariut — Hadithi 3406
29. Nënkapitulli: Ajeti: “Ne i kaluam benu israilët përtej detit, ku ndeshën një popull që adhuronin idhujt e vet...”
Allahu i Madhërishëm ka thënë: “Fenë që ndjekin këta idhujtarë, e pret shkatërrimi dhe ajo që bëjnë, është krejt pa vlerë.” (Araf, 139) “Kur erdhi koha e përmbushjes së profecisë për ngatërresën e dytë, Ne i dërguam (armiqtë tuaj) për t’jua nxirë fytyrat tuaja dhe që të hyjnë në tempull, siç patën hyrë herën e parë dhe të shkatërrojnë plotësisht çdo gjë që pushtonin.” (Isra, 7)
3406. Nga: Xhabir ibn Abdullah Ensariu
Jahja ibn Bukejri na ka thënë: Na ka treguar Lejthiu, e ky nga Junusi, e ky nga Ibn Shihabi, e ky nga Ebu Seleme ibn Abdurrahmani se Xhabir ibn Abdullahu (Allahu qoftë i kënaqur me ta!) tregon: “Teksa po mblidhnim fruta të kebathit me të Dërguarin e Allahut ﷺ, ai tha: “Mblidhni këto të zezat, sepse janë më të mirat.” Të pranishmit pyetën: “Vallë, ke qenë bari delesh?” Pejgamberi ﷺ u tha: “A ka ndonjë pejgamber që nuk ka qenë bari?”