Sahihu i Buhariut — Hadithi 3411
32. Nënkapitulli: Ajetet: “Allahu ka dhënë si shembull për besimtarët gruan e Faraonit, kur ajo tha: O Zoti im! Ndërtomë një banesë te Ti, në Xhenet; më shpëto nga Faraoni dhe veprat e tij dhe më shpëto nga populli keqbërës! Dhe Merjemen, të bijën e Imranit, e cila ruajti virgjërinë e saj; Ne frymë brenda saj nga shpirti Ynë (shpirtin e Isait ﷺ). Ajo u besoi fjalëve të Zotit të saj dhe librave të Tij e ishte nga të devotshmit!”
3411. Nga: Ebu Musa Eshariu
Jahja ibn Xhaferi na ka thënë: Na ka treguar Vekiu, e ky nga Shuëbe, e ky nga Amër ibn Murra, e ky nga Murra Hemdani se Ebu Musai (Allahu qoftë i kënaqur me të!) transmeton se i Dërguari i Allahut ﷺ ka thënë: “Shumë burra e kanë arritur përsosurinë. Ndërkaq, nga radhët e grave përsosurinë e kanë arritur vetëm Asija, gruaja e Faraonit, dhe Merjemja, e bija e Imranit; ndërkaq, vlera e Aishes kundrejt grave të tjera është sikurse vlera e theridit kundrejt ushqimeve të tjera.”