Sahihu i Buhariut — Hadithi 357
4. Nënkapitulli: Falja e namazit duke qenë i mbështjellë vetëm me një rrobë?
Zuhriu (duke e komentuar hadithin e tij) ka thënë: "I mbështjellë konsiderohet ai që e hedh rrobën krahëve duke i gërshetuar skajet e saja sipër supeve." Umu Hani ka thënë: "Pejgamberi ﷺ qe mbështjellë me një rrobë duke i gërshetuar cepat e saj sipër supeve."
357. Nga: Umu Hani bint Ebu Talibi
Ismail ibn Ebu Uvejsi na ka thënë: Më ka treguar Malik ibn Enesi, e ky nga Ebu Nadri, i çrobëruari i Omer ibn Ubejdullahut, se Ebu Murra, i çrobëruari i Umu Hanit, bijës së Ebu Talibit, se Umu Hani bint Ebu Talibi (Allahu qoftë i kënaqur me të!) tregon: “Vitin e Çlirimit (të Mekës) shkova tek i Dërguari i Allahut ﷺ, të cilin e gjeta duke u pastruar, ndërsa Fatimja, e bija e tij, po e mbulonte me një rrobë (që të mos shihej). E përshëndeta me selam, kurse ai tha: “Kush është kjo?”
- Jam Umu Hani, e bija e Ebu Talibit, - i thashë.
- “Mirë se vjen, Umu Hani!” - më tha ai.
Pasi u la, u ngrit dhe i fali tetë rekate, i mbështjellë me një rrobë të vetme. Kur e mbaroi namazin, i thashë: “O i Dërguari i Allahut, vëllai im po përpiqet të vrasë një burrë që unë e kam marrë nën mbrojtje, filanin, të birin e Hubejrës.”
- “Atë që e ke marrë nën mbrojtje ti, është edhe nën mbrojtjen tonë, oj Umu Hani”, - tha i Dërguari i Allahut ﷺ.
Umu Hani shton: “Kjo ka ndodhur gjatë paradites.”