Sahihu i Buhariut — Hadithi 361
6. Nënkapitulli: Nëse rroba është e ngushtë (mënyra e faljes me të)
361. Nga: Xhabir ibn Abdullah Ensariu
Jahja ibn Salihu na ka thënë: Na ka treguar Fulejh ibn Sulejmani se Seid ibn Harithi ka thënë: “E kemi pyetur Xhabir ibn Abdullahun (Allahu qoftë i kënaqur me të!) rreth namazit me një rrobë të vetme. Ai është përgjigjur: “E kam shoqëruar Pejgamberin ﷺ në një rrugëtim dhe, një natë, vajta tek ai për një nevojë timen. E gjeta duke u falur, ndërsa unë kisha të veshur vetëm një rrobë, andaj u mbështolla me të dhe fillova të falem pranë tij. Kur e kreu namazin, më pyeti: “Çfarë të nxori në këtë kohë, o Xhabir?” Pasi ia tregova hallin tim, më tha: “Pse je mbështjellë kështu me këtë rrobë?”
- E pata vetëm këtë rrobë, - i thashë.
- “Nëse është e madhe, atëherë skajet e saj vendosi mbrapa krahëve, e, nëse është e vogël, lidhe vetëm në bel (duke e mbuluar pjesën e poshtme të trupit)”, - tha Pejgamberi ﷺ.”