Sahihu i Buhariut — Hadithi 3688
6. Nënkapitulli: Virtytet e Omer ibn Hatab Ebu Hafs Kureshi Adeviut, Allahu qoftë i kënaqur me të
3688. Nga: Enes ibn Malik Ensariu
Sulejman ibn Harbi na ka thënë: Na ka treguar Hamad ibn Zejdi, e ky nga Thabiti se Enesi (Allahu qoftë i kënaqur me të!) tregon: “Një njeri e pyeti Pejgamberin ﷺ për Kiametin, duke thënë: “Kur është Kiameti?”
- “Çka ke përgatitur për të?” - ia ktheu Pejgamberi ﷺ.
- Asgjë, përveçse që e dua Allahun dhe të Dërguarin e Tij ﷺ, - iu përgjigj ai.
- “Ti do të jesh me ata që i do”, - i tha Pejgamberi ﷺ.
Enesi vazhdon: “Me asgjë nuk jemi gëzuar më shumë se me fjalën e Pejgamberit ﷺ: “Ti do të jesh me ata që i do.” Unë e dua Pejgamberin ﷺ, Ebu Bekrin e Omerin, andaj shpresoj të jem me ta, në saje të dashurisë sime ndaj tyre, edhe pse nuk kam bërë vepra (të mira) sikurse ata.”