Sahihu i Buhariut — Hadithi 3698
7. Nënkapitulli: Virtytet e Othman ibn Afan Ebu Amër Kureshiut, Allahu qoftë i kënaqur me të
Pejgamberi ﷺ tha: “Kush e blen pusin Ruma, që ta fitojë Xhenetin?” Kështu, e bleu Othmani. Dhe ka thënë: “Kush e financon përgatitjen e ekspeditës së Tebukut, që ta fitojë Xhenetin?” Othmani ishte ai që e financoi.
3698. Nga: Abdullah ibn Omeri
Muhamed ibn Hatim ibn Bezigu më ka thënë: Na ka treguar Shedhani, e këtij i ka treguar Abdulaziz ibn Ebu Seleme Maxhishuni, e ky nga Ubejdullahu, e ky nga Nafiu se Ibn Omeri (Allahu qoftë i kënaqur me ta!) ka thënë: “Në kohën e Pejgamberit ﷺ askënd nuk e barazonim (në vlerë) me Ebu Bekrin, pastaj me Omerin, pastaj me Othmanin. Pas këtyre, asnjë shok të Pejgamberit ﷺ nuk e vlerësonim kundrejt tjetrit.”