Sahihu i Buhariut — Hadithi 3730
17. Nënkapitulli: Virtytet e Zejd ibn Harithes, i çrobëruari i Pejgamberit ﷺ
Berai transmeton nga Pejgamberi ﷺ se ka thënë: “Ti je vëllai ynë dhe i çrobëruari ynë.”
3730. Nga: Abdullah ibn Omeri
Halid ibn Mahledi na ka thënë: Na ka treguar Sulejmani, e këtij i ka treguar Abdullah ibn Dinari se Abdullah ibn Omeri (Allahu qoftë i kënaqur me ta!) ka thënë: “Pejgamberi ﷺ dërgoi një ushtri, në krye të së cilës caktoi Usame ibn Zejdin. Disa njerëz folën për udhëheqjen e tij, e në atë rast Pejgamberi ﷺ tha: “Ju po flisni për udhëheqjen e tij, ndërkohë edhe më herët keni folur për udhëheqjen e babait të tij. Betohem në Allahun se ai ishte meritor për udhëheqje dhe ishte ndër njerëzit më të dashur tek unë. Pas tij edhe ky është ndër njerëzit më të dashur tek unë.”