Sahihu i Buhariut — Hadithi 3746
22. Nënkapitulli: Virtytet e Hasenit dhe Husejnit, Allahu qoftë i kënaqur me ta!
Nafi ibn Xhubejri transmeton nga Ebu Hurejra se ka thënë: "Pejgamberi ﷺ e përqafoi Hasenin."
3746. Nga: Ebu Bekrete
Sadaka na ka thënë: Na ka treguar Ibn Ujejne, e këtij i ka treguar Ebu Musai, e ky nga Haseni se Ebu Bekrete (Allahu qoftë i kënaqur me të!) ka thënë: “E kam dëgjuar Pejgamberin ﷺ teksa ishte në minber, me Hasenin anash, herë kthehej nga njerëzit, herë nga ai, e u thoshte: “Ky biri im është zotëri. Shpresoj që Allahu nëpërmjet tij t'i pajtojë dy grupe të mëdha muslimanësh.”