Sahihu i Buhariut — Hadithi 3779
2. Nënkapitulli: Hadithi: "Sikur të mos ishte hixhreti, do të isha pjesëtar ensarësh."
Këtë e ka transmetuar edhe Abdullah ibn Zejdi nga Pejgamberi ﷺ.
3779. Nga: Ebu Hurejra
Muhamed ibn Beshari më ka thënë: Na ka treguar Gunderi, e këtij i ka treguar Shuëbe, e ky nga Muhamed ibn Zijadi se Ebu Hurejra (Allahu qoftë i kënaqur me të!) transmeton se Pejgamberi ﷺ, - ose ka thënë: Ebul Kasimi ﷺ, - ka thënë: "Sikur ensarët të ndiqnin një luginë ose një grykë, do ta ndiqja luginën e tyre. Sikur të mos ishte hixhreti, do të isha një prej ensarëve.”
Ebu Hurejra shtoi: “Pejgamberi ﷺ nuk bëri padrejtësi, kurban iu bëfsha me babë e nënë! Ata e strehuan dhe e ndihmuan.” Ose tha diçka të ngjashme.