Sahihu i Buhariut — Hadithi 3807

Is'haku na ka thënë: Na ka treguar Abdusamedi, e këtij i ka treguar Shuëbe, e këtij i ka treguar Katadja, e ky e ka dëgjuar Enes ibn Malikun se Ebu Usejdi (Allahu qoftë i kënaqur me të!) tregon se i Dërguari i Allahut ﷺ ka thënë: “Familja më e mirë ensare është ajo e benu nexharit, pastaj e benu abduleshhelit, pastaj e benu Harith ibn Hazrexhit dhe pastaj familja e benu saides, ndonëse në çdo familje ensare ka mirësi.”

Atëherë Sad ibn Ubade, - i cili ishte i hershëm në Islam, - tha: “Mendoj se i Dërguari i Allahut ﷺ i vlerësoi ata kundrejt nesh.” Dikush i tha: “Ai ju vlerësoi ju mbi shumë njerëz të tjerë.”