Sahihu i Buhariut — Hadithi 3817
20. Nënkapitulli: Martesa e Pejgamberit ﷺ me Hadixhen dhe vlera e saj, Allahu qoftë i kënaqur me të!
3817. Nga: Aishe bint Ebu Bekri
Kutejbe ibn Seidi na ka thënë: Na ka treguar Humejd ibn Abdurrahmani, e ky nga Hisham ibn Urve, e ky nga babai i tij se Aishja (Allahu qoftë i kënaqur me të!) ka thënë: “Nuk kam xhelozuar asnjë grua sikurse Hadixhen, sepse i Dërguari i Allahut ﷺ e përmendte shumë shpesh. Me mua u martua tre vjet pas (vdekjes së) saj. Allahu i Madhëruar, - ose ka thënë: Xhibrili ﷺ, - e urdhëroi që ta përgëzojë me një shtëpi prej margaritari në Xhenet.”