Sahihu i Buhariut — Hadithi 383
22. Nënkapitulli: Të falurit në shtrat
Enesi është falur në shtratin e tij dhe ka thënë: "Faleshim me Pejgamberin ﷺ dhe kishte raste kur ndonjëri prej nesh binte në sexhde mbi rrobën e vet."
383. Nga: Aishe bint Ebu Bekri
Jahja ibn Bukejri na ka thënë: Na ka treguar Lejthiu, e ky nga Ukajli, e ky nga Ibn Shihabi, e këtij i ka rrëfyer Urve se Aishja (Allahu qoftë i kënaqur me të!) tregon se, kur i Dërguari i Allahut ﷺ falej, rrinte shtrirë në shtratin bashkëshortor, mes tij dhe kiblës, siç shtrihet xhenazja.