Sahihu i Buhariut — Hadithi 385
23. Nënkapitulli: Të kryerit e sexhdes mbi rrobë në rast të nxehtësisë së madhe
Haseni ka thënë: "Shokët e Pejgamberit ﷺ binin në sexhde mbi çallmë dhe kësulë, ndërkohë duart i mbanin brenda mëngëve."
385. Nga: Enes ibn Malik Ensariu
Ebu Velid Hisham ibn Abdulmeliku na ka thënë: Na ka treguar Bishr ibn Mufadali, e këtij i ka treguar Galib Katani, e ky nga Bekër ibn Abdullahu se Enes ibn Maliku (Allahu qoftë i kënaqur me të!) tregon: “Faleshim së bashku me Pejgamberin ﷺ dhe, për shkak të të nxehtit të madh, kishte raste kur ndokush shtrinte skajin e rrobës për të rënë në sexhde.”