Sahihu i Buhariut — Hadithi 3853
29. Nënkapitulli: Vuajtjet që Pejgamberi ﷺ dhe shokët e tij i përjetuan prej idhujtarëve në Mekë
3853. Nga: Abdullah ibn Mesudi
Sulejman ibn Harbi na ka thënë: Na ka treguar Shuëbe, e ky nga Ebu Is'haku, e ky nga Esvedi se Abdullahu (Allahu qoftë i kënaqur me të!) tregon se Pejgamberi ﷺ e lexoi suren Nexhm dhe ra në sexhde. Asnjë i pranishëm nuk mbeti pa rënë në sexhde, përveç një burri, i cili mori një grusht me guralecë, e ngriti në ballë dhe (duke ironizuar) bëri sexhde në to, pastaj tha: “Më mjafton kjo.” Më vonë, pashë se i njëjti person qe vrarë si jobesimtar.