Sahihu i Buhariut — Hadithi 3873
37. Nënkapitulli: Hixhreti në Abisini
Aishja tregon se Pejgamberi ﷺ ka thënë: “Më është shfaqur (në ëndërr) vendi i hixhretit tuaj: një vend me hurma mes dy pllajave.” Pra, bëri kush bëri hixhret në Medinë dhe shumica e atyre që kishin bërë hixhret në Abasini, u kthyen në Medinë. Këtë e kanë transmetuar edhe Ebu Musa dhe Esma nga Pejgamberi ﷺ.
3873. Nga: Aishe bint Ebu Bekri
Muhamed ibn Muthena më ka thënë: Na ka treguar Jahjai, e ky nga Hishami, e këtij i ka treguar babai i tij se Aishja (Allahu qoftë i kënaqur me të!) tregon se Umu Habibe dhe Umu Seleme përmendën një kishë që e kishin parë në Abisini, ku kishte ikona në mure. Këtë ia përmendën Pejgamberit ﷺ, i cili tha: “Nëse në mesin e tyre (hebrenjve dhe të krishterëve) gjendej ndonjë burrë i devotshëm dhe (i tilli) vdiste, atëherë mbi varrin e tij ndërtonin faltore dhe i bënin ato piktura. Të tillët, Ditën e Kiametit, do të jenë krijesat më të këqija tek Allahu.”
Referenca: Sahihu i Buhariut 3873
Fjalë të panjohura?