Sahihu i Buhariut — Hadithi 3922
45. Nënkapitulli: Hixhreti i Pejgamberit ﷺ dhe shokëve të tij në Medinë
Abdullah ibn Zejdi dhe Ebu Hurejra tregojnë se Pejgamberi ﷺ ka thënë: “Sikur të mos ishte hixhreti, do të isha një prej ensararëve.” Ebu Musai transmeton se Pejgamberi ﷺ ka thënë: “Kam parë ëndërr se po shpërngulem nga Meka në një krahinë me palma hurmash. Mendja më shkoi te Jemama dhe Hexheri, por doli të ishte Medina, Jethribi (i asaj kohe).”
3922. Nga: Ebu Bekër Sidiku
Musa ibn Ismaili na ka thënë: Na ka treguar Hemami, e ky nga Thabiti, e ky nga Enesi se Ebu Bekri (Allahu qoftë i kënaqur me të!) tregon: “Teksa isha me Pejgamberin ﷺ në shpellë, e ngrita kokën, kur ja, këmbët e idhujtarëve (që na kërkonin).” Unë i thashë: “O i Dërguari i Allahut, sikur ndonjëri prej tyre ta ulë shikimin, do të na shohë.” Ai tha: “Hesht, o Ebu Bekër, (çfarë mendon ti për) dy veta, i treti i të cilëve është Allahu.”