Sahihu i Buhariut — Hadithi 402
32. Nënkapitulli: Transmetimet rreth kiblës dhe mendimi i atyre që thonë se nuk ka nevojë ta përsërisë namazin personi që, (pasi që është përpjekur ta gjejë drejtimin e kiblës) gabon, e nuk falet në drejtim të kiblës
Pejgamberi ﷺ ka dhënë selam në dy rekate në namazin e drekës dhe është kthyer nga njerëzit, pastaj (është ngritur sërish dhe) i ka plotësuar ato që i kanë mbetur.
402. Nga: Enes ibn Malik Ensariu
Amër ibn Avniu na ka thënë: Na ka treguar Hushejmi, e ky nga Humejdi se Enesi (Allahu qoftë i kënaqur me të!) tregon se Omeri ka thënë: “Në tri raste mendimi im është përputhur me shpalljen: “Pejgamberit ﷺ i pata thënë: “O i Dërguari i Allahut! Sikur ta shfrytëzonim vendin e Ibrahimit si vendfalje?” Pastaj zbriti ajeti: “... Vendin ku qëndroi Ibrahimi përdoreni për vendfalje!” (Bekare, 125) Edhe ajeti i hixhabit. Pejgamberit ﷺ i pata thënë: “O i Dërguari i Allahut! Sikur t'i urdhëroje gratë e tua të mbulohen, sepse me to flet edhe i miri, edhe i keqi. Atëherë zbriti ajeti i hixhabit. Një ditë, gratë e Pejgamberit ﷺ u tubuan nga xhelozia ndaj tij dhe unë u thashë: “Në qoftë se ai ju ndan, Zoti i tij mund t'ju zëvendësojë me gra më të mira se ju...” (Tahrim, 5) Atëherë pati zbritur ky ajet.”
Ibn Ebu Merjemi na ka thënë: “Na ka rrëfyer Jahja ibn Ejubi, e këtij i ka treguar Humejdi, e ky e ka dëgjuar Enesin duke e transmetuar këtë hadith.”