Sahihu i Buhariut — Hadithi 43
32. Nënkapitulli: Adhurimi më i dashur tek Allahu është ai që kryhet në vazhdimësi
43. Nga: Aishe bint Ebu Bekri
Muhamed ibn Muthena na ka thënë: Na ka treguar Jahja ibn Hishami, e këtij i ka rrëfyer babai i tij se Aishja (Allahu qoftë i kënaqur me të!) tregon se një ditë Pejgamberi ﷺ hyri tek ajo, teksa aty ndodhej një grua. Ai tha: “Kush është kjo?” Aishja tha: “Filania" - dhe përmendi namazin e saj të shumtë.” Rrjedhimisht, Pejgamberi ﷺ (duke mos miratuar) tha: “Ndal! Bëni punë të mira aq sa keni mundësi, sepse Allahu nuk mërzitet (nga ju), derisa ju të mërziteni (nga veprat).” Praktika më e dashur fetare te Pejgamberi ﷺ ka qenë ajo që kryhej në vazhdimësi.”