Sahihu i Buhariut — Hadithi 523
2. Nënkapitulli: Fjala e Allahut ﷻ: “Drejtojuni Atij me pendim, frikësojuni Atij dhe faleni namazin e mos u bëni idhujtarë.”
523. Nga: Abdullah ibn Abasi
Kutejbe ibn Seidi na ka thënë: Na ka treguar Abad ibn Abadi, e ky nga Ebu Xhemra se Ibn Abasi (Allahu qoftë i kënaqur me të!) tregon: “Delegacioni i Abdulkajsit erdhi tek i Dërguari i Allahut ﷺ dhe i tha: “Ne jemi pjesëtarë të fisit rebia dhe nuk po mund të vijmë te ti, përveçse në muajt e shenjtë. Andaj, na urdhëro diçka konkrete, të mësojmë nga ti dhe t'i njoftojmë të tjerët. Pejgamberi ﷺ u tha: “Jua urdhëroj katër gjëra dhe jua ndaloj katër të tjera:
1. Besimin në Allahun (që është): të deklaruarit se s'ka të adhuruar të denjë përveç Allahut dhe se unë jam i Dërguari i Allahut;
2. Faljen e namazit,
3. Dhënien e zekatit dhe
4. Të ma jepni një të pestën e presë së luftës.
Jua ndaloj përdorimin e enës prej kungullit, shtambës, koritës dhe varelës (për fermentimin e mushtit).”