Sahihu i Buhariut — Hadithi 539
10. Nënkapitulli: Vonimi i namazit të drekës gjatë udhëtimit, derisa të kalojë vapa
539. Nga: Ebu Dherr Gifariu
Adem ibn Ebu Ijasi na ka thënë: Na ka treguar Shuëbe, e këtij i ka treguar Muhaxhir Ebu Haseni, i çrobëruari i Benu Tejmullahut, e ky e ka dëgjuar Zejd ibn Vehbiun se Ebu Dherr Gifariu (Allahu qoftë i kënaqur me të!) ka thënë: “Me Pejgamberin ﷺ qemë në një rrugëtim. Myezini deshi ta thërrasë ezanin për namazin e drekës, por Pejgamberi ﷺ i tha: “Prit, derisa të freskohet.” Sërish, kur deshi ta thërrasë ezanin, ai i tha: “Prit, derisa të freskohet.”
Kur arritëm të shohim hijen e kodrinave, Pejgamberi ﷺ tha: “Nxehtësia e tepërt është pjesë e afshit të Xhehenemit. Andaj, kur nxehtësia arrin kulmin e saj, shtyjeni namazin (pak), derisa të freskohet.”
Ibn Abasi (duke komentuar ajetin 48 të sures Nahl) për fjalën تتفيأ tetefejeu, ka thënë: “Pra, hija lakohet anash.”