Sahihu i Buhariut — Hadithi 554

Humejdiu na ka thënë: Na ka treguar Mervan ibn Muaviu, e këtij i ka treguar Ismaili, e ky nga Kajsi se Xheriri (Allahu qoftë i kënaqur me të!) tregon: “Një natë, duke ndenjur me Pejgamberin ﷺ, e pa Hënën të plotë dhe tha: “Do ta shihni Zotin tuaj, ashtu siç po e shihni Hënën: pa asnjë vështirësi. Po patët mundësi që të mos ju pengojë asgjë nga falja e namazit të sabahut dhe të ikindisë, bëjeni.” Pastaj lexoi: “... madhëroje Zotin tënd dhe falënderoje Atë para lindjes së diellit dhe para perëndimit.” (Kaf, 39)

Ismaili thotë: “Falini ato në kohë. Pra, të mos ju kalojë koha e përcaktuar.”