Sahihu i Buhariut — Hadithi 590
33. Nënkapitulli: Namazet që mund të falen pas ikindisë, bie fjala, ato që kompensohen ose diçka e ngjashme
Kurejbi transmeton nga Umu Seleme se Pejgamberi ﷺ i ka falur dy rekate pas namazit të ikindisë, pastaj ka thënë: “M'u desh të angazhohem me një grup njerëzish nga fisi i Abdulkajsit, andaj nuk munda t’i falja dy rekatet pas drekës.”
590. Nga: Aishe bint Ebu Bekri
Ebu Nuajmi na ka thënë: Na ka treguar Abdulvahid ibn Ejmeni, e këtij i ka treguar babai i tij se Aishja (Allahu qoftë i kënaqur me të!) ka thënë: “Betohem në Atë që ia ka marrë shpirtin (Pejgamberit ﷺ) se ai kurrë nuk i ka braktisur këto dy rekate (pas ikindisë), derisa e ka takuar Allahun ﷻ. E, Allahun e ka takuar vetëm pasi i është vështirësuar falja e namazit (për shkak të shëndetit), andaj shpesh i falte ulur. - Domethënë, dy rekatet pas ikindisë. Mirëpo, asnjëherë nuk i falte në xhami, nga frika se do ta ngarkonte umetin, ndërkohë atij i pëlqente t'ua lehtësonte gjërat.”