Sahihu i Buhariut — Hadithi 603
1. Nënkapitulli: Zanafilla e thirrjes së ezanit
Allahu i Lartëmadhëruar ka thënë: “Thirrjen (ezanin) tuaj për namaz ata e konsiderojnë si tallje dhe lojë. Me këtë vërtetojnë se janë popull që nuk kupton.” (Maide, 58) “... kur bëhet thirrja për namaz, ditën e xhumasë...” (Xhumua, 9)
603. Nga: Enes ibn Malik Ensariu
Imran ibn Mejsera na ka thënë: Na ka treguar Abdulvarithi, e këtij i ka treguar Halid Hadhai, e ky nga Ebu Kilabe se Enesi (Allahu qoftë i kënaqur me të!) tregon se (kur deshën të vendosnin për thirrjen e namazit) propozuan ta përdornin zjarrin dhe kambanën, por iu kujtuan hebrenjtë dhe të krishterët. Pastaj, Bilali u urdhërua ta thërrasë ezanin, duke i përsëritur fjalët në çift (nga dy herë) dhe ikametin në tek (nga një herë).