Sahihu i Buhariut — Hadithi 61
4. Nënkapitulli: Thënia e muhadithit "na ka treguar", "na ka rrëfyer" ose "na ka lajmëruar"
Humejdiu na ka thënë se tek Ibn Ujejne shprehjet ‘na ka treguar’, ‘na ka rrëfyer’, ‘na ka lajmëruar’ dhe ‘e kam dëgjuar’ kanë qenë sinonime. Ibn Mesudi ka thënë: "Pejgamberi ﷺ na ka treguar, e ai është i vërteti, vërtetësia e të cilit është e dëshmuar. Shekiku ka transmetuar nga Abdullah ibn Mesudi, i cili ka thënë: "Kam dëgjuar nga Pejgamberi ﷺ një fjalë." Hudhejfe ka thënë: "Pejgamberi ﷺ na ka treguar dy hadithe." Ebu Alije ka transmetuar nga Ibn Abasi atë që Pejgamberi ﷺ e transmeton nga Zoti i tij. Enesi ka transmetuar atë që Pejgamberi ﷺ e transmeton nga Zoti i tij i Lartmadhërishëm. Ebu Hurejra e transmeton atë që Pejgamberi ﷺ e transmeton nga Zoti juaj i Lartmadhërishëm."
61. Nga: Abdullah ibn Omeri
Kutejbe na ka thënë: Na ka treguar Ismail ibn Xhaferi, e ky nga Abdullah ibn Dinari se Ibn Omeri (Allahu qoftë i kënaqur me ta!) transmeton se i Dërguari i Allahut ﷺ ka thënë: “Me të vërtetë, në mesin e pemëve është një pemë gjethembajtëse, që i ngjason muslimanit. E gjeni dot cila është ajo pemë?”
Të pranishmit filluan t'i përmendin pemët e shkretëtirës, kurse mua më ra ndërmend pema e hurmës, mirëpo më erdhi turp të flisja. Dikur, të pranishmit i thanë: “Na trego cila qenka ajo pemë, o i Dërguari i Allahut!” Kështu, ai tha: “Ajo është pema e hurmës.”