Sahihu i Buhariut — Hadithi 613
7. Nënkapitulli: Çfarë duhet thënë kur dëgjon ezanin?
613. Nga: Muavi ibn Ebu Sufjani
Is'hak ibn Rahavejhu na ka thënë: Na ka treguar Vehb ibn Xheriri, e këtij i ka treguar Hishami, e ky nga Jahjai, ngjashëm. Jahjai thotë: “Disa vëllezër tanët më kanë treguar se ai (Isa ibn Talhai) ka thënë (për Muaviun): “Kur arriti te fjalët: “Haje alasalah (Ejani në namaz), tha: “La havle ve la kuvete ila bilah (Nuk ka ndryshim e as fuqi përveçse me Allahun).” Pastaj (Muaviu) tha: “Kështu e kemi dëgjuar Pejgamberin tuaj ﷺ duke thënë.”