Sahihu i Buhariut — Hadithi 636
21. Nënkapitulli: Të mos vrapojë për namaz, por le të shkojë qetë dhe pa nxitim
Ebu Katadja transmeton se Pejgamberi ﷺ ka thënë: “Pjesën e arritur të namazit faleni, e atë që ju ikën, plotësojeni.”
636. Nga: Ebu Hurejra
Ademi na ka thënë: Na ka treguar Ibn Ebu Dhiëbi, e këtij i ka treguar Zuhriu, e ky nga Seid ibn Musejebi, e ky nga Ebu Hurejra; [t]: Zuhriu transmeton nga Ebu Seleme se Ebu Hurejra (Allahu qoftë i kënaqur me të!) transmeton se Pejgamberi ﷺ ka thënë: “Kur ta dëgjoni ikametin, shkoni në namaz, duke ecur të qetë dhe me modesti, e mos u ngutni. Pjesën e arritur të namazit faleni, e atë që ju ikën, plotësojeni.”