Sahihu i Buhariut — Hadithi 644
29. Nënkapitulli: Obligueshmëria e namazit me xhemat
Haseni ka thënë: "Edhe nëse nëna, nga dhembshuria, e ndalon fëmijën e vet prej namazit të jacisë me xhemat, ai nuk duhet t’i bindet."
644. Nga: Ebu Hurejra
Abdullah ibn Jusufi na ka thënë: Na ka rrëfyer Maliku, e ky nga Ebu Zinadi, e ky nga Arexhi se Ebu Hurejra (Allahu qoftë i kënaqur me të!) tregon se i Dërguari i Allahut ﷺ ka thënë: “Betohem në Atë, në Dorën e të Cilit është shpirti im, se më ka shkuar mendja që të porosis dikë për të ndezur një zjarr, pastaj të thirret ezani dhe dikush t'u prijë njerëzve në namaz. Ndërkohë, unë të shkoj te disa persona e t'ua djeg shtëpitë. Betohem në Atë, në dorën e të Cilit është shpirti im se, sikur atyre t'ua merrte mendja se do të fitonin ndonjë copë mishi ose thundra delesh, do të vinin për jaci.”